Micna xumida Baaqyada madaxda Dowladda oo ka yaabiyay?
Habargidir.info- Fajac amakaag , wel wel iyo walaac ayey shacabku ka qaadeen qaabka ay madaxda dawladdu u qaabeeyeen baaqyadooda ku aaddan dagaalka Galguduud, waxay shacabku afka gacanta saareen markii ay mqleen Xasan Gur guurte oo baaqiisa ku dhahaya “ waan ka xumahay dagaalka, waxaan Codsanayaa in la joojiyo dagaalka Gurceel”.
Dagaalka uu Gar guurte leeyahay waan ka xumahay waxaa haoggaaminaya Wasiirka madaxtooyadiisa, iyo saraakiil uu isagu u magacaabay xilal kala duwan .
Xasan Garguurte wuxuu awood u leeyahay in uu amar ku siiyo Wasiirkiisa iyo saraakiishu in ay joojiyaan dagaalka Galguduud, dadka qaar waxay kala garan la’yihiin in ay garasha xumo hayso iyo inuu ka leeyahay dano gurracan, in kastoo ay dadka reer Gal guduud aaminsanyihiin in dagaalku yahay mid uu gurguurte amaray, dhaqaale bandanna ku bixiyo.
si kastaba ha ahaatee baaqyadan nasiib darrada ihi waxay noqdeen kuwo ku soo laalaabtay dhegaaha shacabka murugaysan ee ay qaxiyeen madaxda iyo ciidammada dawladdu,
Ma aha gur guurte keliya shakhsiyaadka uu ka soo yeeray baaqyadan marin habowsan, Raysul wasaare Cumar C/Rashiid oo markiisa ka hadlay dagaalka ayaa yiri : “Waan ka xunahay dagaalada micno la’aanta ah ee ka socda degmada Guriceel, xukuumaddu waxay ugu baaqaysaa dhinacyada dagaalku u dhexeeyo in si shuruud la’aan ah dagaalka ku joojiyaan, Waxaan mar labaad Ku baaqayaa in la joojiyo dagaalada ay ku dhimanayaan muwaadiniinta Soomaaliyeed , Waxaana xasuusinayaa dhinacyada dirirtu ka dhaxayso in Soomaaliya ay maanta mareyso marxalad cusub oo ku salaysan nabad iyo wadatashi, taas oo looga soo gudbay xiligii Colaadaha, ayna hiigsaneyso mustaqbal wanaagsan iyo horumar”.
Waxay shacabka dulmani cod dheer ku leeyihiin “Cumar Cabdi rashiid iyo gur guurtoow waa sida aad u sheegteen dagaalka waxaa ku dhimanaya muwaadiniinta Soomaaliyeed, laakiin ciidankiinna ayaa leyanaya shacabka, ciidankiinna ayaa ku duuley deegaanna nabdoon, adinka ayaa u magacaabay qab qablayaal dagaal iyo qas wadayaaal ku caan baxay daadinta dhiigga shacabka .
Guntii iyo gaba gabadii waxay baaqyada Gur guurte iyo kooxdiisu mujinayaan in shacabka soomaaliyeed aysan haysan madax qaran oo laysku halleyn karo, waxayna Ilaahay ka baryayaan in uu deg deg u dhaafsiiyo kuwo fiicanna ugu beddelo.
