Topnews:-Qeybdiid oo odaynimo aan looga baran sameeyay – Qarda jeexiisii Docol.
Cabdi Qeybdiid waa dagaal ooge madax adag hasse yeeshee todobaadkaan wuxuu sameeyay odaynimo iyo biseel aan looga baran kadib markii uu dagaal uu la galo Ciidanka Gelinsoor ka doorbiday inuu qardajeex ku maro wado ka baxda degaanka Docol.
Dadka ku kacsan Qeybdiid waxay leeyihiin “Odayga tabartiisa ayaa u run sheegtay ” laakiin marka dhinaca wanaagsan laga fiiriyo wuxuu xaqiiqsaday waxa ka dhalan kara hadii uu dagaal la galo beesha Gelinsoor.
Masraxa Siyaasadda maanta kama muuqdaan Caydiid iyo Cismaan Caato sidaas darteed hadii uu dagaal iclaamiyo wuxuu noqon lahaa kii uu ku dhiman lahaa ama eediisa uu qaadi lahaa.
Cabdi Qeybdiid wuxuu beesha Cadaado ka codsaday inay mariyaan wado qarda jeexa oo ka baxda degaanka Docol ,wuxuuna sidaas ku tegay Koofurta Magaaladda Galkacyo.
Sikastaba ha ahaatee, Agoonta Habargidir gaar ahaan kuwa beesha Sacad waxaa muuqata inaysan Qeybdiid ka yeelin “AABAHAA ANIGAA DILAY,HOOYADANAA ANIGAA DUMAALAY”
